ՀՀ ՏԿԵ նախարար Գնել Սանոսյանն այցելել է «Հանրապետական Երկրաբանական Ֆոնդ» ՊՈԱԿ
ՀՀ տարածքային կառավարման և ենթակառուցվածքների նախարար Գնել Սանոսյանն այցելել է ՏԿԵ նախարարության ենթակայությամբ գործող «Հանրապետական երկրաբանական ֆոնդ» ՊՈԱԿ։
Նախարար Սանոսյանը նախարարի տեղակալ Հովհաննես Հարությունյանի և ՊՈԱԿ-ի տնօրեն Հարություն Մովսիսյանի ուղեկցությամբ շրջայց է կատարել շենքում, ծանոթացել շենքային պայմաններին, արխիվային նյութերի պահման պայմաններին, հանդիպել և զրուցել է աշխատակիցների հետ։
Աշխատակիցները նախարարին են ներկայացրել շենքային պայմանների բարելավման և մի շարք այլ խնդիրներ, որոնց շուրջ քննարկում է ծավալվել։
«Հանրապետական երկրաբանական ֆոնդ» ՊՈԱԿ-ն իրականացնում է ընդերքի մասին երկրաբանական տեղեկատվության հավաքագրում, հաշվառում, պահպանում, հանքավայրերի երևակումների կադաստրի վարում, պաշարների պետական հաշվեկշռի վարում, երկրաբանական ուսումնասիրությունների աշխատանքների հաշվառում, ընդերքաօգտագործման իրավունքների հաշվառում և պահպանում։
Աղբյուրը՝ https://mtad.am/news/1227
Լուսանկարը՝ ՀՀ ՏԿԵՆ կայքից